1. [PS]രാത്രിസമയത്ത് എന്റെ കിടക്കയിൽ [PE][QS]ഞാൻ എന്റെ പ്രാണപ്രിയനെ അന്വേഷിച്ചു; [QE][QS]ഞാൻ അവനെ അന്വേഷിച്ചു; കണ്ടില്ലതാനും. [QE]
2. [QS]ഞാൻ എഴുന്നേറ്റ് നഗരത്തിൽ സഞ്ചരിച്ചു; [QE][QS]“വീഥികളിലും വിശാലസ്ഥലങ്ങളിലും എന്റെ പ്രാണപ്രിയനെ അന്വേഷിക്കും” എന്ന് ഞാൻ പറഞ്ഞു; [QE][QS]ഞാൻ അവനെ അന്വേഷിച്ചു; കണ്ടില്ല താനും. [QE]
3. [QS]നഗരത്തിൽ സഞ്ചരിക്കുന്ന കാവല്ക്കാർ എന്നെ കണ്ടു; [QE][QS]“എന്റെ പ്രാണപ്രിയനെ കണ്ടുവോ” എന്ന് ഞാൻ അവരോട് ചോദിച്ചു. [QE]
4. [QS]അവരെ വിട്ട് അല്പം മുന്നോട്ട് ചെന്നപ്പോൾ [QE][QS]ഞാൻ എന്റെ പ്രാണപ്രിയനെ കണ്ടു. [QE][QS]ഞാൻ അവനെ പിടിച്ച്, എന്റെ അമ്മയുടെ വീട്ടിലേക്കും [QE][QS]എന്നെ പ്രസവിച്ചവളുടെ അറയിലേക്കും കൊണ്ടുവരുന്നതുവരെ അവനെ വിട്ടില്ല. [QE]
5. [QS]യെരൂശലേംപുത്രിമാരേ, ചെറുമാനുകളാണ, പേടമാനുകളാണ, [QE][QS]പ്രേമത്തിന് ഇഷ്ടമാകുവോളം അതിനെ ഇളക്കരുത് ഉണർത്തുകയുമരുത്. [QE]
6. [QS]മൂറും കുന്തുരുക്കവും കൊണ്ടും [QE][QS]കച്ചവടക്കാരന്റെ സകലവിധ സുഗന്ധചൂർണ്ണങ്ങൾകൊണ്ടും [QE][QS]പരിമളമാക്കപ്പെട്ട പുകത്തൂൺപോലെ മരുഭൂമിയിൽനിന്ന് കയറിവരുന്നോരിവൻ ആര്? [QE]
7. [QS]ശലോമോന്റെ പല്ലക്ക് തന്നെ; [QE][QS]യിസ്രായേൽ വീരന്മാരിൽ അറുപത് വീരന്മാർ അതിന്റെ ചുറ്റും ഉണ്ട്. [QE]
8. [QS]അവരെല്ലാവരും വാളെടുത്ത യുദ്ധസമർത്ഥന്മാർ; [QE][QS]രാത്രിയിലെ ഭയം നിമിത്തം ഓരോരുത്തൻ അരയ്ക്ക് വാൾ കെട്ടിയിരിക്കുന്നു. [QE]
9. [QS]ശലോമോൻരാജാവ് ലെബാനോനിലെ മരംകൊണ്ട് [QE][QS]തനിക്ക് ഒരു പല്ലക്ക് ഉണ്ടാക്കി. [QE]
10. [QS]അതിന്റെ തൂണുകൾ അവൻ വെള്ളി കൊണ്ടും [QE][QS]ചാര് പൊന്നുകൊണ്ടും ഇരിപ്പിടം രക്താംബരംകൊണ്ടും ഉണ്ടാക്കി; [QE][QS]അതിന്റെ അന്തർഭാഗം യെരൂശലേംപുത്രിമാരുടെ പ്രേമംകൊണ്ട് [QE][QS]ചിത്രലിഖിതമായിരിക്കുന്നു. [QE]
11. [QS]സീയോൻ പുത്രിമാരേ, നിങ്ങൾ പുറപ്പെട്ടു ചെന്ന് [QE][QS]ശലോമോൻരാജാവിനെ അവന്റെ കല്യാണ ദിവസത്തിൽ, [QE][QS]അവന്റെ ഹൃദയത്തിന്റെ ആനന്ദദിവസത്തിൽ തന്നെ, [QE][QS]അവന്റെ അമ്മ അവനെ ധരിപ്പിച്ച കിരീടത്തോടുകൂടി കാണുവിൻ. [QE]